Son Xəbər: Azərbaycanda azyaşlı məktəbdən sonra yoxa çıxdı - FOTO, Həmzə Yusif istefa verdi, NATO-nun Baş katibi: Avropa Ukraynaya dəstəklə bağlı vədini yerinə yetirmədi, Ukrayna Prezidenti: Rusiya ordusu yeni hücuma hazırlaşır, ABŞ səfiri Qırmızı Qəsəbədə olub, Lüksemburqun Böyük Hersoqu COP29-a dəvət edilib, Azərbaycanda film kimi OLAY – Əvvəl ana, sonra nənənin küçəyə atdığı bacılar sığınacağa YERLƏŞDİRİLDİ, Qazaxda mina partladı - Yaralı var, Konsulun vəzifələri artırıldı, VI Ümumdünya Mədəniyyətlərarası Forumda 700 qonaq olacaq,

Qarabağ Universiteti üçün vakant yerlər AÇILACAQ

Tarix: 16-04-2024, 19:29

“Qarabağ Universiteti ilə bağlı proseslər davam edir. Artıq proqram rəhbərləri seçilib, bu həftə ərzində işə qəbul olunacaqlar”.

Bu fikirləri AZƏRTAC-a açıqlamasında elm və təhsil naziri Emin Əmrullayev deyib. O bildirib ki, Qarabağ Universiteti ilə bağlı müxtəlif proqramların məzmunu, tədris planı hazırlanır: “Dövlət İmtahan Mərkəzi ilə razılaşdırılıb, artıq qəbul planı tam hazırdır. Universitetdə 6 fakültədə 10-dan artıq ixtisas üzrə tədris aparılacaq. İnfrastruktur istiqamətində də işlər davam edir”.

Nazir Qarabağ Universitetində əlavə vakant yerlərin açılacağını da diqqətə çatdırıb: “Həmin ərazilərə köçürüləcək insanlar üçün texniki vakant yerlər, bütün ölkə üçün isə akademik vakant yerlər açılacaq”.

Xatırladaq ki, Prezident İlham Əliyev 2023-cü il noyabrın 11-də “Qarabağ Universitetinin yaradılması haqqında” Sərəncam imzalayıb. Sərəncama əsasən, Xankəndi şəhərindəki ali təhsil müəssisəsinin əsasında Elm və Təhsil Nazirliyinin tabeliyində “Qarabağ Universiteti” publik hüquqi şəxs yaradılıb.